Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum agosto 50, 100 e 200 yari ante nun …
9 di agosto1976. La kosmosondilo Luna 24, la lasta de la Luna-projeto di USSR, esis lansata. Ol esis, pos Luna 16 e Luna 20, la triesma sucesoza esforco automate querar specimeno di sulo de la luno. Ol sendesis a la ne-explorita regiono Mare Crisium; Luna 23 atingabis ca regiono, ma olua borado-aparato ne funcionabis. Luna 24 atingis la surfaco ye 18 di agosto, prenis specimeno di la sulo per olua borilo, e retroarivis ye Tero ye 23 di agosto kun 170 gm de sulo. Luna 24 esis la lasta sondilo qua dolce arivis ye la surfaco di la luno til ke Chang'e 5, di Chinia, arivis sur Oceanus Procellarum en decembro 2020 e retrovenis kun specimeno di sulo.
6 di agosto1926. En New York, la filmo Don Juan esis unesmafoye vidata. Quale altra filmi di la periodo, la voci di aktori ne esis audata, ma ol esis la unesm filmo di plena longeso qua havis sinkronigata akompananta muziko e soni. La filmo esis tre sucesoza. La fonto di la rakonto esis poemo da Barono Byron pri la legendala Hispana persono. La chefa aktoro, en la rolo Don Juan, esis John Barrymore. Il venis de teatrala familio, ed aparis en teatraji de 1903, ed en filmi de 1913.
6 di agosto 1826. La kompozisto Felix Mendelssohn, evante 17 yari, kompletigis uverturo A Midsummer Night's Dream ("Sonjo di un nokto di somero"). Ol skribesis kom peco por orkestrala koncerto e ne relatis irga intencita pleo di la dramato da William Shakespeare. La unesma pleo di la peco eventis en februaro 1827 en Szczecin (ye ta tempo Stettin en Prusia). Lo esis la unesma publika aparo di Mendelssohn, e ye ta koncerto il pleis piano en altra koncerto-peci. Multa yari pose en 1843, komisionata da Friedrich Wilhelm la 4ma di Prusia, il kompozis plusa peci kom incidentala muziko, por pleo di la dramato en okobro di ta yaro en Potsdam. La originala uverturo enkorpigesis aden la incidentala muziko.
La rolo di Benjamin Franklin persuadis Britania pulsar Francia ek Kanada e kinadek yari pose persuadis Francia helpar pulsar Britania ek Usa esas extrema pruvo di paktal arto.
Franklin esis un ek la fondinti di Usa e kunkompilinti dil Usana konstituco de 1776.
Prato esas regiono di la Tero ube la dominacanta plantaro konsistas ek herbi, nam la pluvo ordinare ne esas suficanta por sustenar plu alta plant-formi.
Esas tri speci: savano, o tropikala herblando, havas grosa herbi, e trovesas en Afrika e Sud-Amerika.
