Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 216.430 məqalə mövcuddur.

Həftənin seçilmiş məqaləsi

Azərbaycan ənənəvi evləri — Azərbaycanda və azərbaycanlıların mədəniyyətində tarixən, ənənəvi üsulların istifadə edilməsi ilə tikilən evlər. Azərbaycan xalq yaşayış evləri əhalinin həyat tərzinə (oturaq, köçəri-elat), tikinti materialları və texnikaya (kərpic, qarğı, daş, ağac), dam örtüyünün şəklinə (pilləli, yastı, balıqbeli, çatmadam), evlərin səthə görə yerləşməsinə (batıq, yerüstü), plan quruluşuna (kəllayı, qoşa kəllayı, cərgəvi, dairəvi) görə təsnif edilir.

Azərbaycanda qazma və ya pəyə, qaradam, möhrə tipli, salyani evlər və s. tikilirdi. XIX əsrin sonlarından etibarən daha mürəkkəb ev tipləri ortaya çıxmışdır. Belə evlər "işıqlı ev", "ağ otaq", "tənəbi ev", "aynabəndli ev", "imarət", "malikanə", "mülk", "qəsr" kimi adlarla bilinir, varlılar tərəfindən tikilirdi. Azərbaycanda yaylaq vaxtı istifadə edilən evlər alaçıq, coma, dəyə, muxuru, qarakeçə, dünnüklü ev, kolux, mağardəyə və s.-dir.

(Davamı...)

Həftənin yaxşı məqaləsi

Ayxan Abbasov — Azərbaycan futbol baş məşqçisi, yarımmüdafiəçi mövqeyində çıxış etmiş keçmiş futbolçusu. O, hazırda Azərbaycan Premyer Liqasında çıxış edən "Şamaxı" klubunun və Azərbaycan milli futbol komandasının, eləcə də U-21 yığmasının baş məşqçisidir. Futbolçu karyerasına gənc yaşlarından başlayan Abbasov həm ölkə çempionatlarında, həm də Avropa turnirlərində müxtəlif komandaların heyətində iştirak etmişdir.

Abbasovun futbol ilə tanışlığı orta məktəb illərinə təsadüf edir və onun ilk məşqçisi Boris Tibilov olmuşdur. Gənc yaşlarından Azərbaycan aşağı yaş və gənclər milli komandalarına dəvət almış, Azərbaycan Dövlət Bədən Tərbiyəsi və İdman Akademiyasını bitirdikdən sonra hərbi xidmətini "MOİK Bakı"da keçmişdir. Peşəkar karyerasına doğulduğu Buzovnanın "Xəzri" klubunda başlamış, burada 16 yaşında əsas komandaya çağırılmışdır. (Davamı...)

Həftənin seçilmiş siyahısı

Afrikadakı ümumdünya irsi obyektlərinin siyahısı — Birləşmiş Millətlər Təşkilatının Təhsil, Elm və Mədəniyyət Təşkilatı (UNESCO) Afrikada 145 Ümumdünya irsi obyekti təyin etmişdir. Bu obyektlər 35 suveren dövlətdə yerləşir. Dövlətlər arasında siyahıya daxil olmuş obyekt sayına görə Cənubi Afrika Respublikası on obyekt ilə liderdir. Ardınca doqquz obyektin yerləşdiyi Efiopiya və Mərakeş, daha sonra səkkiz obyekt ilə Tunis və yeddi obyekt ilə Əlcəzair, Misir, Keniya, Seneqal və Tanzaniya gəlir. Siyahıya daxil olan on ölkənin hər birində yalnız bir obyekt var. Dörd obyekt iki ölkə arasında paylaşılır: Maloti-Drakensberq parkı (Lesoto və Cənubi Afrika), Nimba dağı Təbiət Qoruğu (Kot d'İvuar və Qvineya), Seneqambiya daş çevrələri (Qambiya və Seneqal) və Viktoriya şəlaləsi (Zambiya və Zimbabve). Sanqa meşəsi (Mərkəzi Afrika Respublikası, Kamerun və Konqo) və V-Arli-Pencari kompleksi (Benin, Burkina Faso və Niger) isə üç ölkə arasında bölüşdürülür.

(Davamı...)

Günün seçilmiş şəkli

Xəbərlər

Keçmiş Cümhuriyyət Xalq Partiyası sədri Özgür Özəl (şəkildə) tərəfindən yaradılan Yeni Partiya Türkiyənin əsas müxalifət partiyası olub.
Venesuelada baş verən 7,2 və 7,5 maqnitudalı iki ardıcıl zəlzələ nəticəsində 3600-dən artıq insan həlak olub, 16700-dən artıq insan yaralanıb, on minlərlə insan itkin düşüb.
Nikol Paşinyanın partiyası parlament seçkilərində qələbə qazanıb.
Azov dənizinin Taqanroq körfəzində "Natra" və "Zirkon" yük gəmilərinə dron hücumları edilib.

Aktual hadisələr: İran müharibəsi • Rusiya–Ukrayna müharibəsi

Son ölümlər: Nəriman Həsənzadə, Franko Barezi, Həməd ibn Xəlifə Sani, Bonni Tayler, Telman Salahov, Nurlana Əliyeva

Bilirsinizmi?

Yerli inanca görə Smolensk şəhərində yerləşən Maral heykəlinin (şəkildə) tuncdan hazırlanmış cinsi orqanını sığallamaq uğur gətirir.
Andres Eskobar 1994-cü ildə keçirilmiş Dünya Kubokunda ABŞ ilə oyunda öz qapısına qol vurduğu üçün Medelin şəhərində fanatik bir azarkeş tərəfindən qətlə yetirilmişdir.
Kolumbiyanın paytaxtı Boqota dəniz səviyyəsindən təxminən 2.600 metr yüksəklikdə yerləşdiyi üçün havası olduqca sərindir.
Pablo Eskobar Kolumbiya hökumətinin təqibi dayandırması müqabilində ölkənin bütün xarici borclarını ödəməyi təklif etmiş, ancaq onun bu təklifi qəbul edilməmişdir.
Yaponiyada yengəclərə həsr olunmuş yeganə muzey olan Eçizen Yengəc Muzeyinin binasının mərkəzi günbəzi yengəc qabığı şəklində, hər iki tərəfində yerləşən binalar da yengəc ayağı formasında dizayn edilmişdir.